|
Jarduera baimenduen zerrenda
Euskal Herriko Ingurugiroa Babesteko 3/1998 Legearen II. eranskineko A) atalean jasorikoak:
a) Erauzketa-jarduerak.
b) Instalazio nuklearrak eta erradioaktiboak.
c) Argindarra ekoizteko instalazioak, 100 kW-etik gorako potentzia instalatua baldin badute.
d) Azaleraren tratamenduak, pistola bidezko bernizatze- eta pintatze-lanak edo antzekoak egiten dituzten lantegiak, bai eta motordun ibilgailuak mantentzeko eta konpontzeko lanak eta antzeko lanak egiten dituzten lantegiak ere.
e) Askotariko lantegiak (aroztegiak, galdaragintza-lantegiak, muntaia-lantegiak, mekanizazio-lantegiak, okindegiak, gozotegiak, cateringak, ...), baldin eta guztira instalatutako potentzia (mekanikoa edota elektrikoa, argiztapenarena kenduta) 25 kW-ekoa edo gehiagokoa bada eta ekoizpenerako berariazko azalera 300 m2-tik gorakoa bada.
f) Biltegiratzeko, salerosketarako eta erakusketarako jarduerak eta instalazioak, toxiko, arriskutsu edo sugarri gisa katalogatuta dauden produktu eta materialak baldin badituzte (500 kg-tik gora bizitegirako hiri-lurzoruan, edo 1.000 kg-tik gora gainerako lurzoruetan).
g) Gasolindegiak eta parke-hornitegiak, eta erregai likido edo gaseosoen banatze-instalazioak edo antzeko instalazioak.
h) Edozein motatako lurzoruan kokatutako erregai likido eta gaseosoak biltzeko instalazioak, 50.000 litrotik gorako edukiera dutenean.
i) Hondakinak bildu, berreskuratu eta deuseztatzeko instalazioak.
j) 500.000 m3-ko baino gehiagoko lekua daukaten lur eta harrizko betelanak, urtebete baino gehiago irauten dutenean; azpiegitura linealetarako obrei lotutakoak izan ezik.
k) Hondakin-urak arazteko instalazioak eta edateko ura tratatzeko instalazioak.
l). Arrain-haztegiak.
m) Hiltegiak.
n) Dantza-sala, dantzaleku, klub, diskoteka, disko-bar, karaoke, pub edo antzeko establezimenduak.
o) Ostalaritza-establezimenduak, jatetxeak eta jendaurreko ikuskizunetarako eta jolas-jardueretarako beste establezimendu batzuk, baldin eta, betiere, honako baldintza hauetakoren bat betetzen badute:
- 300 lagun edo gehiagorentzako edukiera izatea.
- Lau ohmeko karga estandarrerako, 50 wattetik gorako potentzia eraginkorra duen musika-ekipamendua izatea.
p) 20 AzLU (azienda larri unitateak) baino gehiagoko abeltzaintzako ustiategiak eta etxeko eskortak, edo ustiategi baliokideak, irailaren 22ko 515/2009 Dekretuko 3. artikuluko a) idatz-zatian agertzen diren proportzioen arabera, edo hura ordezkatzen duen araudiaren arabera; txakur-zaindegiak (hazkuntza eta heziketa), 25 txakur baino gehiago hartzeko lekua dutenean, baldin eta –horiek guztiak– lurzoru urbanizaezinean edo industriarako hiri-lurzoruan badaude.
q) Etxeko abeltzaintza-jarduerak, alegia, 4 AzLU (azienda larri unitateak) baino gehiago dituzten instalazioak, eta mota guztietako txakur-zaindegiak, baldin eta –horiek guztiak– bizitegitarako hiri-lurzoruan baldin badaude.
r) Errausketa-labeak.
s) Otsailaren 27ko 3/1998 Legearen 55. artikuluaren arabera eta 7/2012 Legearekin bat, osasunean edo ingurumenean antzeko eraginak izan ditzaketen beste jarduera batzuk.
|
