OHARRAK

Ibilaldi bakoitzak hiru dokumentu ditu atxikituta:

1.-PDFa. Bertan ibilaldiaren kartela, informazio garrantzitsuenarekin, eta zirkuitoaren mapa agertzen dira.

2.-GOOGLE EARTHa. Doako aplikazio honen bidez ibilaldi guztiak eskuratu litezke eta datuak erabili. Horretarako:

.-GOOGLE EARTH PRO (doakoa) instalatu ordenagailuan.

.-Web orriko GOOGLE EARTH dokumentuan klikatu.

.-Behin zabalik, ezkerreko aurkibidean klikatu karpeta irekitzeko, eta ondoko laukitxoa datuak eta mapa ikusi ahal izateko.

.-Ibilaldia gordetzeko aukera ematen du (klikatu eskuineko botoia eta "Guardar sitio como...")

.-Beste aukera batzuk: ortofotoa, GPS koordenatuak, perfilak...

3.-WIKILOC lotura.(doako aplikazioa, oso ohikoa mendizale, txirrindulari eta abarren artean)

Sartzeko, ibilbide bakoitzak dauka lotura prestatua, edo, aukeran, Wikiloc aplikaziotik ere egin liteke (bilatu, erabiltzailea, Abadelaueta)

 

KREDITOAK

Textuak eta Maketazioa: ABADELAUETA ETNOGRAFIA ELKARTEA

Argazkiak:

Argazki guztiak Abadelaueta Etnografia Elkartearenak dira, eta lan honetarako soil-soilik utzi zaizkio Zigoitiko Udalari

¡Hasta la vista, bellos!

Goikobideak, bere laburrean, ondo erakusten du Zigoitiko herrien bizimodu tradizionala. Gune naturalak, hondakin historikoak eta antzinako lanen aztarnek inguratzen dute bidea.

Errepika ez dadin, gogoratu

Frankisten frontea Zigoitian Muruatik Nafarrateraino iristen da. Hemen aurkezten den zatian, Zestafe. Eribe eta Buruagako mugetan, aurkitu litezke gunerik garrantzitsuenak, bertan baitaude bunker eta lubaki arrasto adierazgarrienak, ezkutuan orain arte.

Mila esker, Javi

Javi Castrok ikaragarrizko lana egin du Gorbeiako bazter guztietan bilatzeko, katalogatzeko eta argitaratzeko gure altxorretako bat, errotarriak. Ibilaldi honetan hurbilduko gara urtegi ondoan dauden horietako batzuetara.

... labeak

Burdinaren lana ezezaguna izan da oraintsu arte Zigoitia aldean. Esteban Etxebarria eta Xabier Orue-Etxebarriaren eskutik hurbilduko gara Manurga inguruan aurkitu litezkeen galeria, kata eta mineral honen kaltzinazioan erabili izan diren labeetara.

Gorostitzatik Gorostiagara

Zizkino, Siskina, Ziskiñu... dira Gorbeia handiaren magaletan dagoen mendiaren izenetako batzuk. Handiaren itzalak ezezaguna egin du, nahiz eta historian eta arrastoetan oso aberatsa, eta ikaragarri ederra den.

Frentez frente

Zizkino eta Oketako frontea Legutioko batailan erresistentzia eta hornidura gune garrantzitsua izan zen matxinatuen aurrean. Bi munduk egin zuten talka Zigoitian ere, eta gordeegi geratu ziren ondorioak eta arrastoak.

Uraren bihurrikeriak

Ur gutxi ikusten da Zigoitian, agerian, urtean zehar. Asko dira, ordea, naturak egindako bihurrikeriak ura ezkutatzeko: kobazuloak, zurrunpoak, filtrazioak, iturri gordeak. Nekeza izan da zigoitiarrentzat ur horniketa historikoki. Hauek dituzue Zigoitia lehorrenean uraren bide misteriotsuak.

Burdinezko herriak

Ubideren historia azken mendeetan, baita Zigoitiarena ere, oso lotuta egon dira burdina eta forjarekin. Ezagunak dira, eta ondoko mapan agertzen dira, Ubiden langintza honetan jardun zuten 19 familia-lantegi XX. mendean. Burni horren zati bat ondoan, bertan dauden Zigoitiko galeria eta katetatik eramaten zuten. Horiek ezagutzera eraman nahi zaitugu.

Berezitik, nahi adina!

Liburuetatik kanpo, asko dira Zigoitian dauden zuhaitz berezi, singular edo dena delakoak, mota, tamaina, kokapena edota duten historia kontuan hartzen baditugu. Ibilaldi honek eraman nahi gaitu Muruan eta Etxaguenen dauden horietako batzuk ezagutzera.

... handiak zarete, gero!

Javi Castrok eta Esteban Etxebarriak, harri bilatzaile porrokatuak eta Zigoitiko historiaren zientifikoak, Oketako maldetan aurkitu dituzten errotarri eta harrobi batzuk ezagutzera eramango gaituzte.

Historia ikasgai bi

Historiak eta istorioek osotzen dute herri guztien kultura. Kastroak, gazteluak eta baselizak, gobak eta leizeak, zaldunak eta gentilak, ikazgileak eta artzainak dira ibilaldi honen protagonistak.

Tumuluen bidea 1

Bide guztien zaindari Zaitegi, zokoratuago Olano, baina biek hala biek gertutasun handian gordetzen dute makina bat altxor, batzuk mitoz estaliak, bestetzuk begibistan joaten diren guztientzat.