Itzuli

Festikale

2025eko uztailaren 3tik 7ra Festikale, Landa guneko Arteen Jaiaren XII. edizioa ospatuko dugu. Gorbeialdea, Arabako Lautada, Arabako Mendialdea eta Arabako Errioxako paisaiak sorkuntza garaikiderako, topaketarako eta emozio partekaturako agertoki bihurtzen dituen diziplina anitzeko jaialdia. Gaur egungo programazio anitzarekin, Festikale 2025ek berrikuntzan, berdintasunean, iraunkortasunean eta kulturarako sarbidean jartzen du arreta, artisten eta publikoen arteko lotura zuzenaren aldeko apustua eginez. Aurten, jaialdiak lurralde-sarea zabalduko du, eta egoitza berriak jarriko ditu Zuian, Legution eta Burgelun, sormen-mapa horri gune berriak gehituz. Txotxongilo garaikideak, antzerki bisuala, zinema, zuzeneko musika eta gorputza, objektua eta paisaia uztartzen dituzten proposamenak irakurketa, poesia eta jolasa sustatzeko instalazioekin osatzen dira, adin eta publiko guztientzat. Esperientzia esanguratsuak, eskuragarriak eta eraldatzaileak sortzeko pentsatutako programazioa. Jaialdiak programazio inklusibo eta askotarikoaren aldeko apustua egiten jarraitzen du, inguruko errealitateekin hitz egiten duten estilo eta jatorri desberdinetako proposamen eszenikoekin. Artisten eta ikusleen arteko trukea erraztuko duten bitartekaritza-espazioak emango dira. Festikale 2025 ez da soilik jaialdi bat: sormenaren ospakizun kolektiboa da, komunitatean izandako esperientzia artistikoa eta kultura lurraldearen bihotzetik bizitzeko gonbidapen

Zigoitiak Festikaleko gune nagusia izaten jarraitzen du, Gopegin eta Ondategin biltzen baitira jarduera gehien. Lau egunetan zehar, herri hauek topagune, jolas eta sorkuntza artistikorako gune bihurtzen dira, non kulturak herriko plaza eta txoko bakoitzean forma hartzen duen.

Zigoitiko programazioak publiko guztientzako ikuskizunak, proposamen eszeniko garaikideak eta irakurketa, poesia eta jolaserako instalazioak izango ditu, parte-hartze aktiboa eta gozamen partekatua sustatzen dutenak. Festa-, familia- eta sormen-giroa, artea hurbiletik eta komunitatean bizitzeko.

Zigoitiak Festikaleren arima izaten jarraitzen du: berrikuntzak eta tradizioak bat egiten dute bertan, eta edizio bakoitza esperientzia paregabe bihurtzen da.